Şəbəkəyə Paralel On Grid Sistemlər Nədir?
Şəbəkəyə Paralel On Grid Sistemlər günəş panelləri tərəfindən istehsal olunan elektriki xüsusi inverterlər vasitəsi ilə tək fazaya, yaxud üç fazaya çevirərək cüt yönlü elektrik sayğacı ilə elektrik şəbəkəsinə ötürən sistemlərdir. Alternativ enerji məhsulları olan On-Grid Sistemlər yüksək gücü olan şəbəkə sistemi kimi evin, hər hansı obyektin elektrik enerjisini qarşılamaq məqsədi ilə quraşdırılır. On grid inverter və günəş panelləri olan şəbəkəyə paralel sistemlərin Helind MMC olaraq ən yüksək standartlara uyğun quraşdırılmasını təklif edirik.
On Grid Sistemlərə Nələr Daxildir?
Bu sistemlərdə 3 ədəd təməl sistem avadanlıqları olur. Bunlar günəş panelləri, on-grid inverterlər və cüt yönlü elektrik sayğaclarıdır. Təbii ki, hazırkı vaxtda bazarda yüzlərlə növ günəş panelləri və inverterlər mövcuddur. Dünyada qəbul olunmuş standartlara uyğun günəş paneli və inverter seçmək olduqca çətindir. Ancaq bu məsələdə də Helind MMC sizin ən yaxşı iş partnyorunuz ola bilər. İndi isə sistemə daxil olan avadanlıqların ayrılıqda nə işə yaradıqlarına baxaq.
On Grid Sistemlərdə Günəş Paneli Necə Olmalıdır?
Şəbəkəyə Paralel On Grid Sistemlər şəbəkəyə fokuslanmış şəkildə işlədiyi üçün günəş panellərinin voltaj dəyərləri bu mövzuda çox önəmlidir. Yəni günəş panelləri sistemlə inverterlərin işləyə biləcəyi voltaj aralıqlarına görə quraşdırılmalıdır. Panellərin növlərinə görə voltaj və axım formaları fərqli olur. Yeni nəsil sistemlərdə şəbəkəyə paralel sistem üçün 250 Vatt və daha yüksək panellər seçilməlidir. Bu sistemlər üçün də panelin məhsuldarlıq dərəcəsi müəyyən edilərkən off grid sistem quraşdırılmasında olduğu kimi qış şərtlərinə uyğun şəkildə ortalama günəşlənmə müddətinin çıxarılması önəmlidir.
On Grid Sistemlərdə inverter Nə Üçündür?
“İnverter şəbəkəyə paralele sistemlərin ürəyidir” – deyə bilərik. Günəş panellərindən alınan enerjini elektrik şəbəkəsinə görə tək faza və ya üç fazalı AC elektrik enerjisinə çevirir. Şəbəkəyə Paralel inverterlərin üç faza üçün ayrı, tək faza üçün ayrı inverter modelləri mövcuddur. Bu inverterlər özəl hazırlanmış inverterlərdir. Günəş panelindən gələn enerji və şəbəkədən gələn enerji ilə bərabər işləyir. Bunun səbəbi isə günəş panelində enerji düşüşü meydana gəldikdə şəbəkə elektriki ilə istehlak yükünə dəstək olmaqdır.
Bilindiyi kimi günəş panelləri günün hər saatında tam məhsuldarlıqla elektrik istehsal etmir. Çünki panellər sabit bir bucaq altında günəşdən şüa qəbul etməkdədir. Dünyanın fırlanması səbəbindən günəşin səmadakı yeri və dünyaya paralel yerləşmə bucağı dəyişir. Bu faktorun ortaya çıxardığı enerji düşüşlərində şəbəkədən enerji almaq üçün inverterdən istifadə edilir. Gecələr isə birbaşa olaraq elektrik şəbəkəsindən qidalanmağa başlayır. Bizim təklif etdiyimiz inverterlərə “data logger” bağlanılması mümkündür. Bunun ən böyük avantajı isə istifadəçi dünyanın harasında olur olsun, mobil telefonundan evindəki panellərin enerji məhsuldarlığını dəqiqliklə izləyə bilir.
Şəbəkəyə paralel on-grid inverterlərin gücü və modeli aağıdakı şərtlərə uyğun olaraq müəyyən edilir:
- Günəş panellərinin ümumi istesal gücünə paralal olmalıdır. (10% daha artıq gücdə avadanlıq seçilə bilər)
- Sistemin quraşdırılacağı yerdəki elektrik xəttinin tək faza ya da üç faza olması müəyyənləşdirilməlidir.
On-Grid Sistemlərdə Cüt Yönlü Sayğac Nə Üçündür?
Cüt yönlü elektrik sayğacları tək yönlü elektrik sayğacları kimi şəbəkədən gələn enerjini evə, obyektə yönəldir. Tək yönlü sayğacdan fərqi isə xarici bir qurğudan istehsal olunan elektriki də elektrik şəbəkəsinə ötürməsidir. Smart cüt yönlü sayğaclarda istehsal və istehlak olunan elektriki üzərindəki rəqəmsal ekrandan izləyə bilirsiniz. Ay sonunda istehsal olunan enerji istehlak olunan enerjidən çoxdursa və yaxud eynidirsə, elektrik enerjisi üçün ödəniş etməyinizə ehtiyac qalmır.
Yekun olaraq qeyd edək ki, gecə-gündüz elektrik enerjisindən istifadə edən obyektlərdə quraşdırılmış on-grid sistemlər elektrik enerjisi sərfiyyatına 50%-ə qədər qənaət etməyə imkan yaradır.
On Grid Sistemlərin Zəmanəti, Qiyməti və Satış Mərkəzi
Helind MMC şirkəti Azərbaycanda alternativ enerji məhsullarının rəsmi satış mərkəzidir. Şirkət bu və digər alternativ enerji sistemləri quraşdırılması ilə də məşğuldur. On-grid sistemlərdə avadanlıq növünə görə panellərə 25 il müddətinə, digər avadanlıqlara isə 1-2 il müddətinə zamanət verilir. Alternativ enerji bazarı sürətlə inkişaf etdiyi üçün qiymət baxımından ən son məlumatı almaq və quraşdırılma haqda suallarınızı ünvanlamaq üçün bizə zəng edin, yaxud WhatsApp-la əlaqə saxlayın: +994506789911
Helind MMC – Enerji Alternativiniz
