Lead Carbon Akkumulyator Nədir?

Alternativ Enerjinin Toplanması

Enerjini saxlama mövzusu günü gündən daha da populyarlaşmağa başlayır. Günəş enerjisi sistemləri quraşdırıldıqdan sonra enerji saxlama məsələsi yaxın gələcəkdə ciddi önəm kəsb edəcək. Bu nöqtədə hansı növ akkumulyatorların istifadə ediləcəyi inkişaf edən texnologiya və ucuzlaşan qiymətlərə görə qərar verməkdə çətinliklər yarada bilər. Lead Carbon Akkumulyatorlar mövzusuna keçmədən öncə evlərdə istifadə edilə biləcək akkumulyator növləri haqqında qısa məlumat verək.

Alternativ Enerjidə Akkumulyator Növləri

Evlərdə istifadə edilən alternativ enerji sistemlərində əsas qurğuşun asit əsaslı akkumulyatorlar olmaqla yeni-yeni və sürətli bir şəkildə inkişaf edən litium akkumulyatorlardan istifadə edilir. Gel akkumulyator, Litium akkumulyator, OpzS akkumulyator, OpzV akkumulyatorlar, LiFePO4 akkumulyatorlar az baxıma ehtiyac duyan, yaxud heç duymayan məhsullar olduğu bu sektorda daha populyardır. Bəzi akkumulyatorlarla daha ucuzlarını müqayisə etdiyimiz zaman akkumulyatorun ömrü boyu aldığımız enerji bir qədər bahalı ola bilir. Litium batareyaların qiymətləri zamanla sürətli bir şəkildə aşağı enməkdədir. Bloomberg proqnozlarına görə 2026-cı ildə litium akkumulyator qiyməti 100$/kWh dəyərində olacaq. Son dövrlərdə akkumulyator sektoruna səs salmış Lead Carbon Akkumulyatorlar haqqında isə daha ətraflı məlumat verək.

Lead Carbon Akkumulyator Nədir?

Lead Karbon, digər adı ilə Qurğuşun Karbon akkumulyator olduqca sürətli bir şəkildə həyatımıza daxil ola bilər. Bu akkumulyatorların litium gücündə, hətta daha keyfiyyətli, qiymət olaraq da litiumlardan ucuz olması üstünlüyü var.
Standart qurğuşun asit akkumulyatorlarda zamanla meydana gələ biləcək ən önəmli problemlərdən biri akkumulyator içində elektrolidin sulfatlanmasıdır. (sulfatization)
Bu akkumulyatorun tutumuna və məhsuldarlığına birbaşa təsir edir. Lead Carbon akkumulyatorlarda isə bu təsir ən aza endirilərək (akkumulyatorun neqativ elektroduna aktiv karbon əlavə edilib) daha uzun ömürlü bir akkumulyator növü əldə edilib.

Lead Carbon Akkumulyatorların Üstünlükləri

• Qurğuşun asit akkumulyatorlarla müqayisədə daha dayanıqlıdır.
• Doldurma-boşaltma (cycle) saydı daha çoxdur.
• Sürətli doldurulması və sürətli boşaldılma funksiyası mövcuddur. Məsələn, litiumlarda da sürətli doldurulma mövcuddur, lakin sürətli boşaldılma litiumlara ziyandır.
• Litium akkumulyatorlar xüsusi BMS adlı akkumulyator idarə sistemlərinə ehtiyac duyur (həddindən artıq doldurulma və ya zəif doldurulmanın qarşısın almaq üçün). Karbon akkumulyatorların isə belə sistemlərə ehtiyacı yoxdur.
• Qiymət olaraq müqayisə edildikdə (litium və carbon) eyni qiymətə karbon akkumulyatorlar iki dəfə daha çox tutuma malikdir. On-grid, Off-grid, Hibrid və UPS sistemlərində istifadəyə uyğundur.
• Soyutma sisteminə ehtiyacı yoxdur.

Alternativ Enerji Sistemlərində Lead Carbon Akkumulyatorları Niyə Fərqli Qarşılanır?

Lead Karbon akkumulyatorlar alternativ enerji sistemləri üçün litium akkumulyatorların daha da populyarlaşmasına icazə verməyəcək kimi görünür. Xüsusilə qiymət baxımından məhsul axtarışında olanlar üçün gözəl bir alternativdir. Qurğuşun Karbon akkumulyatorları özündən əvvəlki akkumulyatorların mənfi tərəflərini aradan qaldırıb bugünün tələblərinə uyğunlaşdırılmış bir məhsul kimi düşünə bilərsiniz.

Lead Carbon Akkumulyator, Verilən Zəmanət və Akkumlyatorların Satışı Mərkəzi

Helind MMC olaraq Azərbaycanda alternativ enerji sahəsində ən keyfiyyətli və sərfəli Lead Carbon Akkumulyator satışı və quraşdırılması ilə məşğul oluruq.  Bu tipli akkumlyatorlara 10 il müddətinə zamanət veririk. Alternativ enerji bazarı sürətlə inkişaf etdiyi üçün qiymət baxımından ən son məlumatı almaq və quraşdırılma haqda suallarınızı ünvanlamaq üçün bizlə əlaqə saxlayın: +994506789911

Helind MMC – Enerji Alternativiniz